Hestafræði

Hestafræði er heiti á sameiginlegri námslínu LbhÍ og Hólaskóla – Háskólans á Hólum, til BS-prófs. Hér er á ferð innihaldsríkt, alhliða nám sem er sett upp sem sameiginleg námsgráða (joint degree) LbhÍ og Hóla­skóla – Há­skól­ans á Hólum en náms­vist­in skipt­ist á ­milli ­beggja skól­anna eft­ir ár­um.

Skipulag náms­brautarinnar er í stór­um drátt­um þannig að grunn­fög raun­greina og sér­fög bú­vís­inda ásamt rekstr­argreinum eru kennd á Hvann­eyri, en nám­skeið í reið­mennsku og flest­um sér­hæfð­um hesta­fög­um fara fram á Hól­um. Í nám­inu er lögð áhersla á að ­skapa traust­an þekk­ing­ar­grunn á öll­um svið­um hesta­fræð­a með sér­staka ­áherslu á ís­lenska hest­inn. Við LbhÍ er starfrækt full­bú­in hesta­mið­stöð þar sem nem­end­ur geta m.a. ­leigt að­stöðu fyr­ir eig­in hross.

Nám á hesta­fræðalínu und­ir­býr fólk fyr­ir störf í at­vinnu­grein­inni við rekst­ur hrossa­búa og fyr­ir sér­hæfða þjón­ustu, ráð­gjöf og hver­skyns miðl­un þekk­ing­ar við hrossa­rækt­end­ur og hesta­menn. Nám­ið hent­ar einn­ig mjög vel sem und­ir­bún­ing­ur fyr­ir fram­halds­nám til meist­ara­gráðu á ­sviði hesta­fræða stunda má við LbhÍ. Þá er einnig mögu­leiki á frek­ara rann­sókna­námi á ­þessu ­sviði til doktors­gráðu.

Hestafræði til BS-prófs
Umsagnir
Atvinna og framhaldsnám
Útskrifaðir nemendur háskólabrauta vorið 2010

Nánari upplýsingar gefur Emma Eyþórsdóttir, dósent
s.433 5251 / 843 5321
emma@lbhi.is  

Námsskrá
Væntanlegt námsfyrirkomulag.

Kennsluskrá
Námskeið sem kennd verða á tilteknu skólaári