LbhÍ er í mjög góðu samstarfi við 7 systurstofnanir á Norð­urlöndunum og rekur með þeim Norræna dýralækna- og landbúnað­arhá­skólann NOVA sem er samræmingar- og samstarfsvettvangur há­skólanna. Í gegnum NOVA geta nemendur með B.Sc.-gráðu gengið beint inn í meistaranám í mörgum greinum við þessa há­skóla og fengið einingar sínar metnar til fulls. Síðan er NOVA í samstarfi við Nordplus en það gerir nemendum kleift að sækja um styrki vegna ferðakostnað­ar og uppihalds með­an á dvöl stendur.

LbhÍ er einnig með samstarfssamninga við ýmsa skóla í Evrópu í gegnum ERASMUS-áætlunina. ERASMUS byggir m.a. upp á einstaklingsstyrkjum til nemendaskipta og geta nemendur sótt um dvöl í 3-12 mánuði án þess að það tefji þá í námi þar sem skilyrði er að námið erlendis verði að fullu metið þegar heim er komið. Stefnt er að því að fjölga samstarfssamningum milli há­skóla á næstu misserum.

LbhÍ hefur einnig gert samstarfssamninga við há­skóla í Kanada og unnið er að samningum við há­skóla í Bandaríkjunum.