Háskólaþorpið

Aðsetur háskólanámsins og náms í búfræði er á Hvanneyri í Borgarfirði þar sem á undanförnum árum hefur risið myndarlegt háskólaþorp. Á Hvanneyri eru nemendagarðar með einstaklingsherbergjum og fjölskylduíbúðum. Íbúðir og herbergi eru tengd tölvuneti skólans. Á Hvanneyri er leikskóli og fyrstu bekkir grunnskólans. Borgarnes er í 14 km fjarlægð og frá Hvanneyri til Reykjavíkur eru um 80 km. Í nágrenni Hvanneyrar eru fallegar göngu- og reiðleiðir og mikil náttúrufegurð. Við skólann er sérhæft bókasafn sem og rannsóknastofur og tilraunabú.