Landbúnaðarháskóli Íslands óskar eftir að ráða umhverfisstjóra

Umhverfisstjóri hefur umsjón með faglegri stefnu á sviði umhverfis- og loftslagsmála við skólann og framkvæmd hennar. Um er að ræða fullt starf. Möguleiki er á því að ráða viðkomandi í akademískt starf.

Helstu verkefni og ábyrgð

  • Innleiðing stefnu í umhverfis- og loftslagsmálum
  • Yfirumsjón með umhverfisbókhaldi skólans og umbótaverkefnum í umhverfis- og loftslagsmálum
  • Innleiðing verkefna sem miða að kolefnishlutleysi skólans
  • Uppbygging á erlendu samstarfi og fjármögnun alþjóðlegra rannsókna- og nýsköpunarverkefna sem snúa m.a. að landnýtingu og landnotkun
  • Umsjón og uppbygging útisvæða á jarðeignum skólans m.a. í friðlandi fugla í Andakíl
  • Kennsla á grunn- og framhaldsstigi og leiðbeining nemenda í rannsóknaverkefnum
  • Birting greina og miðlun upplýsinga

Hæfniskröfur

  • Doktorsgráða í umhverfisstjórnun eða tengdum greinum er æskileg og krafa um meistaragráðu
  • Góð tæknileg þekking á umhverfis- og loftslagsmálum
  • Reynsla af verkefnastjórnun og alþjóðlegu samstarfi
  • Reynsla af miðlun og kennslu
  • Heiðarleiki og traust í mannlegum samskiptum
  • Sjálfstæði, drifkraftur og nákvæmni í vinnubrögðum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Starfshlutfall er 100%

Umsóknarfrestur er til og með 10.01.2022

Nánari upplýsingar
Kristín Theodóra Ragnarsdóttir - theodora [hjá] lbhi.is - 433 5000
Guðmunda Smáradóttir - gudmunda [hjá] lbhi.is - 433 5000

Smelltu hér til að sækja um starfið

Þú ert að nota: brimir.rhi.hi.is