Náttúra og skógur

Náttúru- og umhverfisfræði

Image

BS gráða – 180 ECTS

Grunnþekking á íslenskri náttúru, náttúrufari og vistkerfum

Námsbraut í náttúru- og umhverfisfræði leggur áherslu á íslenskra náttúru. Beitt er þverfaglegri nálgun við alla umfjöllun. Fjallað er um hvernig lífverur hafa áhrif á umhverfið og hvernig umhverfið hefur áhrif á þær. Áhersla er lögð á nýtingu mannsins á náttúrunni og hvernig við getum passað sem best upp á sjálfbæra þróun, það er, að ganga ekki á gæði jarðar og skila nátúrunni í sem bestu ástandi til komandi kynslóða.    

Námið er bæði staðarnám og fjarnám.

Er námið fyrir þig?
Hefur þú áhuga á því að læra um:
  • Hvernig hægt er að bregðast umhverfisbreytingum, loftlagsbreytingum, náttúruhamförum, mengun eða gróðurbreytingum til dæmis?

Vilt þú geta haft áhrif á:
  • Hvernig við mannfólkið nýtum náttúruna?
  • Hvaða svæði við verndum og hvernig náttúruverndarsvæði eru nýtt?
Hefur þú gaman af því:
  • Að rannsaka náttúruna t.d. dýr, gróður, jarðveg eða jökla?
  • Að skoða gervitunglamyndir og gera kort?
Viltu vita meira um:
  • Störf umhverfisfræðinga, líffræðinga, jarðfræðinga, landfræðinga, eldfjallafræðinga eða annara náttúrufræðinga? Þú kynnist því í náminu hjá okkur.
  • Hvernig maður og náttúra hafa áhrif hvort á annað?
  • Hvernig þú getur haft áhrif á umhverfismál?
Langar þig að starfa sem sérfræðingur um íslenska náttúru?
  • Til dæmis að stjórna og skipuleggja umhverfismál og landnýtingu, hafa eftirlit og umsjón með náttúruverndarsvæðum og mati á umhverfisáhrifum?
Þá er náttúru- og umhverfisfræði eitthvað fyrir þig!

Skipulag náms

Image
Image
Skiptinám

Alþjóðafulltrúi Landbúnaðarháskóla Íslands vinnur að því efla samstarf við erlenda háskóla og stofnanir og hefur umsjón með nemenda- og kennaraskiptaáætlunum á borð við Nordplus og Erasmus+ . Alþjóðafulltrúi stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar. 

Alþjóðafulltrúi veitir nemendum og kennurum upplýsingar um erlent samstarf LbhÍ og þau tækifæri sem þar liggja. Má þar m.a. nefna umsóknir um styrki til nemenda- og kennaraskipta.

Nánar

Image

Framhaldsnám í náttúru- og umhverfisfræði

Image

Nám í náttúru- og umhverfisfræðum er góð undirstaða undir allt framhaldsnám í náttúruvísindum. Einnig er námið kjörið fyrir þá sem hyggjast afla sér kennsluréttinda í náttúrufræðum á grunn- og framhaldsskólastigi.

Image

Hvað segja nemendur

Image
Ég valdi námið í náttúru- og umhverfisfræði fyrir þverfaglega nálgun þessara tveggja fræðasviða, sem veitir víðfeðma þekkingu jafngildi tveggja gráða. Ástæðan fyrir valinu var einnig áhugi fyrir sjálfbærni- og umhverfismálum. Námið spannar vítt svið fræðigreina, allt frá veðurfarsfræði og jarðvegsfræði til vistfræði og umhverfisstjórnunar. Þessar fjölbreyttu fræðigreinar víkkuðu ekki aðeins sjónarhorn mitt, heldur gerðu mér einnig kleift að kafa dýpra í mitt áhugasvið, sem ruddi brautina fyrir áframhaldandi nám og spennandi starf. Það sem stóð upp úr náminu var tilfinningin af því að vera hluti af samfélagi Hvanneyrar, jafnvel án þess að búa þar, því samskipti við kennara og starfsfólk skólans hafa verið persónuleg og þægileg. Vettvangsferðir, bein reynsla í vísindastarfi og praktísk vinna á rannsóknarstofu voru ómetanlegir þættir námsins. Þekkingin sem ég öðlaðist í náttúrufræðigreinum hefur opnað nýjar víddir í hvernig ég upplifi og skynja landslagið og náttúruna. Nú eru gönguferðir ekki einungis tómstund, heldur tækifæri til að skoða og þekkja fugla, skordýr, plöntur, fléttur og sveppi í meiri smáatriðum, auk þess sem ég hef öðlast nýjan skilning á jarðvegi, jarðfræði og að meta ástand lands og gróðurs. Í dag er ég í framhaldsnámi í Skipulagsfræði við LBHÍ og vinn hjá Landgræðslunni við ýmis rannsóknarstörf. Tækifærin eru mörg og ég er þakklát fyrir námið sem hefur opnað svo marga möguleika á frekara námi eða starfsferil.
Berglind Guðjónsdóttir
Berglind Guðjónsdóttir
Landgræðslan og MS nemi
Náttúru- og umhverfisfræðin opnaði fyrir mér nýjan heim fullan af spennandi fróðleik. Í náminu hef ég fengið að rækta áhuga minn á náttúruvísindum og er stöðugt að bæta við þekkingu mína um það hvernig hægt er að lifa í sátt og samlyndi við náttúruna. Námið hefur líka fært mér vini sem deila með mér dýrmætu áhugamáli-náttúrunni.
Anna Björg Sigfúsdóttir
Anna Björg Sigfúsdóttir
Náttúru- & umhverfisfræði BS nám
Ég valdi náttúru- og umhverfisfræði, vegna þess að það passaði vel við áhugasvið mitt, námið er þverfaglegt og fjölbreytt sem mér leist vel á. Áfangarnir eru mismunandi eins og þeir eru margir, það vakti áhuga minn þegar ég var að skoða námið. Það er töluvert af verklegum æfingum sem var gaman að vinna og læra helstu handtökin. Kennarnir eru fróðir um sitt fag og vöktu áhuga minn á ýmsu sem ég bjóst ekki við að hafa áhuga á. Félagslífið er gífurlega gott og alltaf eitthvað um að vera, sem er nauðsynlegt til að kúpla sig úr skólastressinu.
Jóhann Gísli Jónsson
Jóhann Gísli Jónsson
BS í náttúru- & umhverfisfræði 2023
Ég fór í náttúru- og umhverfisfræði vegna þess að námið er fjölbreytt og þverfaglegt. Mín helstu áhugamál tengjast útivist og heillaði námið mig þar sem það spannar allt milli himins og jarðar (bókstaflega) og opnar einnig fyrir marga möguleika.
Evlalía Kolbrún Ágústsdóttir
Evlalía Kolbrún Ágústsdóttir
BS náttúr- & umhverfisfræði 2023
Ég valdi námið í náttúru og umhverfisfræði vegna þess að ég hef brennandi áhuga á náttúruvernd, sjálfbærri náttúrunýtingu og umhverfismálum.
Freyja Ragnarsdóttir Pedersen
Freyja Ragnarsdóttir Pedersen
BS náttúru- & umhverfisfræði 2023
logo

Þekking á sviði sjálfbærrar nýtingar auðlinda, umhverfis, skipulags og matvælaframleiðslu.

Sækja um nám

LBHÍ

Hvanneyri - 311 Borgarbyggð
Sími 433-5000
lbhi@lbhi.is
Kt. 411204-3590
Rafrænir reikningar
Image

Starfsstöðvar

Hvanneyri
Keldnaholt

Nemendagarðar

Flýtileiðir

Laus störf
Námskrá
Vefpóstur
Nýnemar
Starfsáætlun '23-'24
Starfsáætlun '24-25

Samfélagsmiðlar

Image
Image