Störf í boði - Deildarfulltrúi

Landbúnaðarháskóli Íslands óskar eftir að ráða til starfa deildarfulltrúa við starfs- og endurmenntunardeild skólans á Reykjum í Ölfusi. Starfið felst aðallega í almennum skrifstofustörfum og þjónustu við nemendur og starfsmenn deildarinnar. Um er að ræða 50% starf. Umsækjandi þarf að geta hafið störf um áramót. Laun eru samkvæmt kjarasamningi viðkomandi stéttarfélags og fjármálaráðherra.

• Umsækjandi hafi menntun sem nýtist vel í starfi.
• Umsækjandi þarf að hafa góða almenna tölvuþekkingu.
• Áhersla er lögð á vandvirkni, skipulagshæfni, frumkvæði og sjálfstæði í vinnubrögðum
• Lipurð í mannlegum samskiptum er nauðsynleg.

Umsóknarfrestur er til 15. nóvember 2018. Umsóknir sendist til mannauðsstjóra skólans, Örnu Garðarsdóttur, arnag@lbhi.is. Öllum umsóknum verður svarað þegar ákvörðun um ráðningu liggur fyrir. Nánari upplýsingar um starfið veitir Guðríður Helgadóttir forstöðumaður starfs-og endurmenntunardeildar í síma 433 5314, gsm 843 5314.

Þú ert að nota: brimir.rhi.hi.is