Ellefta norræna skipulagsrannsóknaþingið PLANNORD verður haldið í Reykjavík dagana 21.-23 ágúst 2024. Viðburðurinn fer fram á Hótel Reykjavík Natura og hefst 21. ágúst með námskeiði fyrir doktorsnema en sjálf ráðstefnan fer síðan fram 22.-23. ágúst. Yfirskrift ráðstefnunnar er Skipulag í norrænu samhengi – tækifæri og áskoranir.
Málþingið er einstakt tækifæri fyrir okkur Íslendinga til að fylgjast með umfjöllun um skipulagsmál í norrænu samhengi, rannsóknir á sviðinu, tækifæri og áskoranir. Landbúnaðarháskóli Íslands (LBHÍ), Skipulags- og hönnunardeild, vill vekja athygli á því að opnað hefur verið fyrir skráningu á vefsíðu ráðstefnunnar, þar sem einnig má finna nánari upplýsingar og dagskrá.
Snemmskráning til 15. maí 2024
Við hvetjum fagaðila skipulagsmála og aðra áhugasama til að skrá sig á rannsóknar ráðstefnu PLANNORD fyrir 15. maí n.k. en ráðstefnugjöld hækka eftir það. Skráning hér.
