Bú skólans

Landbúnaðarháskóli Íslands hefur um árabil staðið fyrir umfagsmiklum búrekstri á Hvanneyri og Hesti í Borgarfirði.

Búreksturinn er grunnur fyrir mikilvæga þætti í kennslu og rannsóknum við stofnunina og hornsteinn íslenskra landbúnaðarvísinda. Áherslur hafa verið í búfjárrækt og jarðrækt en einnig á seinni árum í atferlis-, umhverfis- og orkuvísindum. Þá tilheyrir einnig hestamiðstöðin að Mið-Fossum skólanum auk jarðanna Kvígsstaða og Mávahlíðar. 

Eftir sem áður er meginmarkmið að reka kennslu- og rannsóknarbú í hæsta gæðaflokki fyrir starfsemi háskólans til afnota fyrir vísindasamfélagið. Skapa með því aðstöðu fyrir nemendur og starfsmenn LbhÍ og samstarfsmenn skólans, bæði utan lands og innan, til fræðslu og rannsókna sem tengjast landbúnaði, auðlindum og umhverfismálum í víðum skilningi.

Hvanneyrarbúið ehf sér um rekstur kúabúsins á Hvanneyri. Þar er mjólkurframleiðslubú og framleiðir um 460 þús lítra á ári ásamt því að sinna kennslu og rannsóknum í samstarfi við Landbúnaðarháskóla Íslands.

Bústjóri er Egill Gunnarsson
Fjósameistari er Björn Ólafsson  

Á Hesti í mynni Lundareykjadals er rannsóknarbú fyrir sauðfé og er það eitt fremsta sauðfjárbú í landinu í dag. Þar fer fram verkleg kennsla í sauðfjárrækt. 

Bústjóri er Logi Sigurðsson

Landbúnaðarháskóli Íslands rekur vel búna hestamiðstöð að Mið-Fossum 5 km frá Hvanneyri. Þar er mjög góð aðstaða til að stunda hestamennsku, 70 hesta hús með góðum stíum, björt og glæsileg reiðhöll með áhorfendastúku, útigerði og góðar reiðleiðir. Þá er einnig mjög góð aðstaða fyrir reiðmenn og kennara. 

Bústjóri er Guðbjartur Stefánssongudbjartur [hjá] lbhi.is
Starfsmaður bús Ragnheiður Ósk Helgadóttir