Laus störf

Landbúnaðarháskóli Íslands auglýsir laust starf sérfræðings á sviði vistheimtar og sjálfbærrar landnýtingar þar sem reynir á frumkvæði og lausnamiðað hugarfar. Um er að ræða fullt starf og stærsti hluti starfsins er fyrir Landgræðsluskólann (GRÓLRT) .

Landgræðsluskólinn er hýstur hjá Landbúnaðarháskóla Íslands og er hluti af GRÓ Þekkingarmiðstöð þróunarsamvinnu, sem starfar undir hatti UNESCO. Markmið skólans er að þjálfa sérfræðinga sem starfa hjá stofnunum á sviði vistheimtar og sjálfbærrar landnýtingar í samstarfslöndum skólans í Afríku og Mið-Asíu.

Landgræðsluskólinn er hluti af alþjóðlegri þróunarsamvinnu Íslands og er kostaður af opinberum fjármunum utanríkisráðuneytisins til þróunarsamvinnu. Stærsta verkefni skólans ár hvert er 6 mánaða þjálfun á Íslandi fyrir starfandi fagfólk í samstarfslöndunum þar sem mikil áhersla er lögð á hagnýtingu þekkingar.

Helstu verkefni og ábyrgð

• Þátttaka í faglegri þróun náms og uppbyggingu Landgræðsluskólans

• Kennsla og þátttaka í daglegu skipulagi námsins

• Umsjón með rannsóknarverkefnum nemenda í samvinnu við leiðbeinendur

• Þátttaka í verkefnum er lúta að námskeiðum og vinnustofum í samstarfslöndum

• Gæðaeftirlit og eftirfylgni er varðar niðurstöður gæðaúttekta

• Kennsla innan deildar og tilfallandi verkefni á sviði endurheimtar við Landbúnaðarháskóla Íslands

Hæfniskröfur

• Doktorsgráða í endurheimt vistkerfa, vistfræði eða skyldum greinum æskileg

• Reynsla af rannsóknum og kennslu í endurheimt vistkerfa, vistfræði eða skyldum greinum

• Hæfni til að vinna sjálfstætt og sem hluti af teymi

• Jákvæðni, lausnamiðuð nálgun og framúrskarandi samskiptahæfni

• Góð enskukunnátta í töluðu og rituðu máli

• Íslenskukunnátta er æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Hlutverk Landbúnaðarháskóla Íslands er að skapa og miðla þekkingu á sviði sjálfbærrar þróunar samfélags, nýtingar auðlinda, umhverfis- og loftslagsmála, skipulags, hönnunar og matvælaframleiðslu.

Við ráðningu í störf hjá Landbúnaðarháskóla Íslands er tekið mið af jafnréttisáætlun stofnunarinnar.

Starfshlutfall er 100%

Umsóknarfrestur er til og með 23.10.2026

Nánari upplýsingar veitir

Sjöfn Vilhelmsdóttir

Forstöðumaður

Tölvupóstur: sjofn@lbhi.is

Sími: 433 5000

Guðmunda Smáradóttir

Mannauðs- og gæðastjóri

Tölvupóstur: gudmunda@lbhi.is

Sími: 433 5000

Sækja um starf

Landbúnaðarháskóli Íslands auglýsir laust starf á rekstrarsviði. Starfið felst í umhirðu fasteigna, innviða, tækja og útisvæða.

Helstu verkefni og ábyrgð

• Umhirða fasteigna, innviða, tækja og útisvæða

• Viðhaldsverkefni innan- og utanhúss

• Grassláttur, trjáklippingar, umhirða gróðurbeða og almenn útistörf

• Önnur tilfallandi verkefni innan háskólans

Hæfniskröfur

• Menntun sem nýtist í starfi

• Vinnuvélaréttindi æskileg

• Haldgóð reynsla af ýmsum verklegum framkvæmdum

• Þekking og reynsla af viðhaldi fasteigna, tækja og útisvæða

• Þjónustulund og góð samskiptahæfni

• Samstarfsvilji og frumkvæði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsækjendur skulu láta kynningarbréf fylgja umsókn sinni.

Landbúnaðarháskóli Íslands áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%

Umsóknarfrestur er til og með 23.10.2026

Nánari upplýsingar veitir

Kristín Theodóra Ragnarsdóttir

rekstrarstjóri

Tölvupóstur: theodora@lbhi.is

Sími: 433 5000

Guðmunda Smáradóttir

mannauðs- og gæðastjóri

Tölvupóstur: gudmunda@lbhi.is

Sími: 433 5000

Sækja um starf