Meistaranám á sviðum sem skipta máli í framtíðinni

Meistaranám í Búvísindum er rannsóknarmiðað meistaranám. Markmið þess er að veita einstaklingsbundna menntun og þjálfun í búvísindum.

Meistaranám í Hestafræði er rannsóknarmiðað meistaranám. Markmið þess er að veita einstaklingsbundna menntun og þjálfun í hestafræði.

Meistaranám í Náttúru - og umhverfisfræði er rannsóknarmiðað meistaranám. Markmið þess er að veita einstaklingsbundna menntun og þjálfun í umhverfisvísindum.

Skipulagsfræði er sjálfstæð þverfagleg grein sem byggir á þekkingu úr náttúruvísindum, félagsvísindum og arkitektúr. Námið undirbýr nemendur fyrir fjölbreytt störf sem skipulagsfræðingar hjá sveitarfélögum, opinberum stofnunum og í einkageiranum. Í náminu er fjallað um skipulag, hönnun og stjórnun þéttbýlisþróunar og landnýtingar með sjálfbæra þróun að leiðarljósi. Skipulag samþættir landnotkun, samgöngur, innviði, húsnæðismál, sjálfbærni, jöfnuð og lýðheilsu til að skapa skilvirk og lífvænleg samfélög.

Meistaranám í Skógfræði er rannsóknarmiðað meistaranám. Markmið þess er að veita einstaklingsbundna menntun og þjálfun í skógfræði.

Hvaða áhrif hefur hlýnun jarðar á norðurslóðir? Enn er margt óljóst um áhrif hlýnunar jarðar. Áhrifanna gætir hraðar en áður var talið á stöðum sem liggja hátt og við verðum að skilja betur hvernig þeir munu halda áfram að breytast og hvernig við þurfum að bregðast við og aðlagast breytingum. Það er því afar mikilvægt að fleiri leggi stund á umhverfisfræði.

Búfræðinám er góður undirbúningur fyrir alla sem koma að landbúnaði með einum eða öðrum hætti. Markmið búfræðibrautar er annars vegar að búa nemendur undir fjölbreytt störf á sviði landbúnaðar- og matvælaframleiðslu með þeim hætti að þeir uppfylli hæfnikröfur starfsins og hins vegar að búa nemendur undir frekara nám.

Í búvísindum lærir þú hagnýta líffræði og landbúnaðarfræði sem veitir undirbúning fyrir margvísleg störf tengd landbúnaði eða námi í dýralækningum. Nemendur sem klára námið starfa til dæmis við búrekstur, þjónustu- og leiðbeiningarstörf eða við kennslu og rannsóknir. Búvísindanám er góð undirstaða fyrir framhaldsnám og vísindastörf á sviði landbúnaðarfræða og er vöntun í heiminum á fólki með þessa menntun.

Hér er um að ræða nám með áherslu á sjálfbæra skógrækt, skógarnýtingu og á vistheimt á illa förnu landi. Ekki er boðið upp á hliðstæða samsetningu náms við aðra íslenska háskóla.

Í náttúru- og umhverfisfræði er lögð áhersla á íslenskra náttúru. Þverfaglegri nálgun er beitt við alla umfjöllun og fjallað er um hvernig lífverur hafa áhrif á umhverfið og hvernig umhverfið hefur áhrif á þær.

Hestafræði er innihaldsríkt, alhliða nám þar sem bóklegt nám og verklegir áfangar blandast. Þú öðlast traustan þekkingargrunn á breiðu sviði hestafræða með sérstaka áherslu á íslenska hestinn. Í náminu færðu traustan grunn í raunvísindum sem byggt er ofan á með sérgreinum landbúnaðarfræða og sérhæfðum námsgreinum um hesta.

Landslagsarkitektúr er fjölbreytt og víðfeðmt nám sem sameinar hönnun og þekkingu á náttúru- og umhverfisfræðum við félagslega þætti. Í náminu er lögð áhersla á vistvæna nálgun og sjálfbærni, með tilliti til sérstöðu Íslands. Landslagsarkitekt vinnur að því að bæta lýðheilsu og heilbrigði umhverfisins í samfélagi okkar.

Meistaranám í endurheimt vistkerfa er þverfaglegt nám sem veitir alþjóðlega innsýn og þekkingu á sviði vistheimtarfræði og hagnýta þjálfun í aðferðafræði endurheimtar. Nemendur öðlast þekkingu og reynslu af skipulagi, framkvæmd, vöktun, mati og eftirfylgd verkefna á sviði endurheimtar vistkerfa í fjölbreyttu og krefjandi umhverfi þar sem tekið er tillit til bæði vistfræðilegra og félagslegra þátta. Námið er á ensku.