Harpa Stefánsdóttir, prófessor í skipulagsfræði og námsbrautarstjóri við LBHÍ, tók í síðustu viku þátt í árlegum fundi stjórnenda skipulagsnámsbrauta í Evrópu, Heads of Schools Meeting, sem haldinn var við Norwegian University of Life Sciences (NMBU) í Noregi. Fundurinn er vettvangur fyrir leiðtoga skipulagsnáms í Evrópu til að ræða helstu áskoranir og þróun í menntun skipulagsfræðinga.

Í tengslum við fundinn var á lokuðum fundi samþykkt aðild námsbrautar LBHÍ í skipulagsfræði að Association of European Schools of Planning (AESOP). Með þeirri ákvörðun hefur LBHÍ formlega gengið til liðs við evrópsk samtök háskóla sem bjóða upp á nám í skipulagsfræði.