Skipulagsfræði

Skipulagsfræði er sjálfstæð þverfagleg grein sem byggir á náttúruvísindum, félagsvísindum og arkitektúr og fjallar um skipulag, hönnun og stjórnun þéttbýlisþróunar og landnýtingar með sjálfbæra þróun að leiðarljósi. Nám í skipulagsfræði undirbýr nemendur fyrir fjölbreytt störf hjá sveitarfélögum, opinberum stofnunum og í einkageiranum.

Skipulagsfræði MS

Sækja um

Sjálfstæð þverfagleg grein

Í meistaranámi í skipulagsfræði er fjallað um skipulag, hönnun og stjórnun þéttbýlisþróunar og landnýtingar með sjálfbæra þróun að leiðarljósi. Skipulag samþættir landnotkun, samgöngur, innviði, húsnæðismál, sjálfbærni, jöfnuð og lýðheilsu til að skapa skilvirk og lífvænleg samfélög.

Unnið er með mismunandi stig og mælikvarða skipulags, allt frá mótun borgar- og bæjarrýma til skipulags þéttbýlisstaða, sveitarfélaga og landshluta og stefnumótunar um skipulagsmál fyrir landið í heild.

Í náminu er unnið bæði fræðilega og með raunhæf viðfangsefni skipulagsmála. Verkefnavinna og málstofur í virku samtali nemenda og kennara, ásamt fyrirlestrum eru miðpunktur námsins.

Námið fer fram í staðlotum í húsnæði LbhÍ á Keldnaholti í Reykjavík og í fjarnámi.

Námskynning – Skipulagsfræði MS

Verið velkomin að kynna ykkur meistaranámið í skipulagsfræði á opnum degi á Keldnaholti í Reykjavík þar sem öllum fyrirspurnum um námið verður svarað. Starfsfólk og nemendur verða á staðnum og svara spurningum.

Kynningin er opin öllum og verður 20. maí milli kl 16 og 18:00 á Keldnaholti í Reykjavík.

Nánar

2026-2027

Námsskrá

Námið er 120 ECTS einingar á meistarastigi. Um helmingur þess byggir á skyldunámskeiðum, en um fjórðungur námsins eru valnámskeið. Lokaverkefni er 30 ECTS. Boðið er upp á fullt nám í tvö ár en einnig er hægt að taka námið hægar, á allt að fjórum árum.

Námið fer fram í staðlotum í húsnæði LbhÍ á Keldnaholti í Reykjavík og í fjarnámi með rauntímaþátttöku á netfundum. Einnig eru tekin námskeið við aðra háskóla.

Upplýsingar um staðnámsvikur koma fram í starfsáætlun LbhÍ. Að jafnaði eru 4-6 staðlotur á hverju misseri.

Umsækjendur sem fá skólavist ganga frá einstaklingsbundinni námsáætlun með námsbrautarstjóra. Þar er meðal annars farið yfir hvort nemandinn þarf að bæta við sig undirstöðunámskeiðum og hvort mælt er með að taka þau áður en meistaranám hefst eða samhliða náminu.

Akademískt starfsfólk námsbrautarinnar:

Harpa Stefánsdóttir, prófessor og námsbrautarstjóri

Ásdís Hlökk Theodórsdóttir, aðjúnkt

Astrid Lelarge, lektor

Námið er 120 ECTS eininga meistaranám. Um helmingur þess byggir á skyldunámskeiðum, en um fjórðungur námsins eru valnámskeið. Lokaverkefni er 30 ECTS.

Námið veitir réttindi til starfsheitisins skipulagsfræðingur. Námið fer fram í staðlotum á Keldnaholti í Reykjavík og í fjarnámi. Einnig eru valnámskeið við aðra háskóla.

Viðfangsefni lokaverkefnis geta verið margvísleg en skulu tengjast náminu.

Mætingaskylda er á Keldnaholt í staðlotum og farið fram á rauntímaþátttöku á netfundum.

Starfsáætlun skólans.