Nám við Búvísindabraut er 3ja ára BS nám sem hefur það meginmarkmið að veita nemendum breiða grunnmenntun í hagnýtri líffræði og landbúnaðarfræðum.

Nemendur fá haldgóðan grunn í raunvísindum sem byggt er ofan á með sérgreinum landbúnaðarfræða með áherslu á íslenskan landbúnað og sjálfbæra nýtingu auðlinda landsins til landbúnaðarframleiðslu.

Lögð er áhersla á raungreinar og hagnýta náttúrufræði, námskeið á sviði jarð­ræktar og bú­fjárfræða og rekstrar- og tæknigreinar.

Markmið­ið er að undirbúa nemendur fyrir við­fangsefni og störf sem tengjast ræktun lands og landbúnað­arframleiðslu ásamt því að leggja grunn að framhaldsnámi og fræðistörfum á sviði bú­vísinda.

Ljúka þarf 180 ECTS einingum til BS gráðu. Námið er skipulagt sem þriggja ára nám með 60 ECTS á ári.

Skylt er að ljúka öllum áföngum fyrsta námsárs áður en nám er hafið á þriðja ári. Í námi til BS-prófs í búvísindum eru 152 ECTS í kjarna og 18 ECTS í vali. Nemendur ljúka námi með 10 ECTS lokaverkefni og BS-ritgerð.

Námsbraut í búvísindum tekst á við hagfræðileg, líffræðileg og tæknileg skilyrði búfjárhalds og landnýtingar og ýmsa þætti búvísinda svo sem fóður, fóðrun, kynbætur, líffræði búfjár, aðbúnað og velferð dýra.

Fjallað er um náttúruauðlindir með áherslu á vistfræði, líffræði, jarðvegsfræði, efnafræði o.fl.. Gefin er innsýn í nýtingu náttúruauðlinda, t.d. verkferla, tækni, búnað og umhverfi.

Alþjóðafulltrúi Landbúnaðarháskóla Íslands vinnur að því efla samstarf við erlenda háskóla og stofnanir og hefur umsjón með nemenda- og kennaraskiptaáætlunum á borð við Nordplus og Erasmus+ . Alþjóðafulltrúi stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar. 

Alþjóðafulltrúi veitir nemendum og kennurum upplýsingar um erlent samstarf LbhÍ og þau tækifæri sem þar liggja. Má þar m.a. nefna umsóknir um styrki til nemenda- og kennaraskipta.

Nánar