Hestafræði

BS gráða- 180 ECTS einingar

Traustur þekkingargrunnur með blöndu af verklegum og bóklegum fögum.

Hestafræði er innihaldsríkt, alhliða nám sem byggist á blöndu af bóklegu námi og verklegum áföngum. Nemandi öðlast traustan þekkingargrunn á flestum sviðum hestafræða með sérstaka áherslu á íslenska hestinn. Námið er staðarnám í mörgum hestatengdum áföngum en möguleiki er á fjarnámi að hluta í öðrum fögum.

Brautarstjóri er Anna Guðrún Þórðardóttir

Skipulag námsbrautarinnar er í stórum dráttum þannig að grunnfög raungreina og sérfög búvísinda ásamt rekstrargreinum eru tekin með námskeiðum í reiðmennsku og hestatengdum áföngum. Í náminu er lögð áhersla á að skapa traustan þekkingargrunn á flestum sviðum hestafræða með sérstaka áherslu á íslenska hestinn. Skyldumæting er í verklega kennslu.

Inntökuskilyrði  fyrir BS nám í hestafræði

Nemandi þarf að vera ágætlega reiðfær.  Með umsókn fylgi myndband (hámark 5 mínútur) þar sem umsækjandi sýnir fet, brokk, tölt og stökk upp á bæði vinstri og hægri hönd.  Ef vill, má líka sýna fimiæfingar eins og t.d. krossgang og framfótarsnúning.  Hafi umsækjandi lokið Knapamerki 3 þarf ekki að senda inn myndband heldur staðfestingu um að því sé lokið.  Æskilegast væri að sýna gangtegundirnar/æfingarnar á þeim hesti sem væntanlegur nemandi hyggst nota í Reiðmennskuáföngum brautarinnar.

Áherslur á fyrsta ári
Kennsla er að mestu helguð grunnfögum raungreina, rekstrarfræðum og grunni hestatengdra faga.

Áherslur á öðru ári
Kennsla í sérfögum búvísinda, svo sem kynbótafræði, fóðurfræði, landbúnaðarbyggingar og tækni með aukna áherslu á reiðmennsku.

Áherslur á þriðja ári 
Nemendur stunda nám í sérhæfðari hrossaáföngum, taka námskeið um þjálfunarlífeðlisfræði hrossa ásamt stoð- og hreyfifræði, þeir taka námskeið í kynbótadómum og enda á lokaverkefni sem tekur mestan tíma nemenda þegar líður að vori.

Skyldumæting er í verklega áfanga.

Nám á hestafræðalínu undirbýr fólk fyrir störf í atvinnugreininni við rekstur hrossabúa og fyrir sérhæfða þjónustu, ráðgjöf og hvers kyns miðlun þekkingar við hrossaræktendur og hestamenn.

Námið hentar einnig mjög vel sem undirbúningur fyrir framhaldsnám til meistaragráðu á sviði hestafræða sem stunda má við LbhÍ. Þá er einnig möguleiki á frekara rannsóknanámi á þessu sviði til doktorsgráðu.