Skiptinám
Skiptinám
Alþjóðafulltrúi Landbúnaðarháskóla Íslands vinnur að því efla samstarf við erlenda háskóla og stofnanir og hefur umsjón með nemenda- og kennaraskiptaáætlunum á borð við Erasmus+ og NOVA. Alþjóðafulltrúi stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar.
Alþjóðafulltrúi veitir nemendum og kennurum upplýsingar um erlent samstarf LBHÍ og þau tækifæri sem þar liggja. Má þar m.a. nefna umsóknir um styrki til nemenda- og kennaraskipta.
Alþjóðafulltrúi er Christian Schultze
Deildarfulltrúi alþjóðamála: Eva Hlín Afreðsdóttir
Opnir viðtalstímar á Hvanneyri:
mánudagar: kl 9:00 - 15:00
miðvikudagar: kl 13:00 - 16:30
Hlutverk alþjóðafulltrúa
Meginhlutverk alþjóðafulltrúa er að aðstoða nemendur sem hafa hug á því að taka hluta náms síns við erlenda háskóla. Mælt er með því að nemendur nýti sér skiptinám ef þeir eru að velta fyrir sér frekara framhaldsnámi erlendis. Með því gefst kostur á að skoða erlenda háskóla að eigin raun og kynnast kennurum sem síðar geta orðið leiðbeinendur þeirra í námi. Nemendum stendur einnig til boða starfsnám á vegum Erasmus+, bæði á meðan námi stendur og strax að útskrift lokinni.
Alþjóðafulltrúi aðstoðar einnig starfsmenn LBHÍ vegna kennaraskipta og rannsóknastyrkja.
Möguleikar erlendis
Erasmus+
LBHÍ er með samstarfssamninga við ýmsa skóla í Evrópu í gegnum ERASMUS-áætlunina. ERASMUS+ byggir m.a. upp á einstaklingsstyrkjum til nemendaskipta og geta nemendur sótt um dvöl í 3-12 mánuði án þess að það tefji þá í námi þar sem skilyrði er að námið erlendis verði að fullu metið þegar heim er komið.
NOVA
NOVA er heiti á samstarfsnetverki sjö landbúnaðar-, skógfræði- og dýralæknaháskóla á Norðurlöndunum, NOVA opnar dyrnar að námi á Norðurlöndunum og í baltnesku ríkjunum. Nemendur geta sótt um Nordplus eða Erasmus+ styrki til skiptináms í gegnum NOVA.
Hvað getur NOVA boðið þér?
