
Starfsmenntanám
Búfræði (fjarnám)
Búfræðinám er góður undirbúningur fyrir alla sem koma að landbúnaði með einum eða öðrum hætti. Markmið námsins er annars vegar að búa nemendur undir fjölbreytt störf á sviði landbúnaðar- og matvælaframleiðslu með þeim hætti að þeir uppfylli hæfnikröfur starfsins og hins vegar að búa nemendur undir frekara nám.
Búfræði
Sækja um
Fjarnám
Fjarnámið er byggt upp á svipaðan hátt og hefðbundið búfræðinám. Nemendur innritast á sama hátt í skólann og stunda námið á hálfum hraða.
Flestir áfangar eru kenndir yfir vetrartímann en einhverjir áfangar koma inn á sumarönn (plöntusafn, námsdvöl og valfög).
Samskipti nemenda og skóla eru í megindráttum um internetið. Því er mikilvægt að allir séu nettengdir og kunnugir samskiptum á netmiðlum.
Verklegir hlutar búfræðinámsins eru kenndir í fjarnemavikum sem fara fram tvisvar fyrir áramót og tvisvar erftir áramót á ári hverju. Reynt er að stytta eins og mögulegt er fjarveru nemenda frá búum sínum en gera má ráð fyrir 3-5 dögum í hverri fjarnemaviku. Nánara skipulag þessa þáttar námsins er kynnt við upphaf hverrar annar.
Kennsluhættir
Samskipti nemenda og skóla eru í megindráttum um internetið. Því er mikilvægt að allir séu nettengdir og kunnugir samskiptum á netmiðlum. Verklegir hlutar búfræðinámsins eru kenndir á námskeiðum sem haldin eru eftir þörfum á Hvanneyri. Reynt er að stytta eins og mögulegt er fjarveru nemenda frá búum sínum. Nánara skipulag þessa þáttar námsins er kynnt við upphaf hverrar annar.
Inntökuskilyrði
Umsækjendur um fjarnám í búfræði skulu vera a.m.k. 25 ára, hafa nokkurra ára reynslu af búskap og vera starfandi í búskap þegar viðkomandi sækir um. Mikilvægt er að í umsókn komi fram allar upplýsingar um fyrra nám og starfsreynslu. Umsækjendur verða teknir í viðtöl áður en þeir eru teknir inn í námið.
Næst tekið inn 2027.
Skráningargjald
Skráningargjald fyrir skólaveturinn 2027-2028 er 60.000kr. Próftökugjald (4000kr) verður innheimt í hverjum námsáfanga í stað einingagjalds áður.

Námskrá 2026 - 2027
Námsskrá