LBHIRannsóknirNám

Alþjóðlegt samstarf

Alþjóðasvið

Alþjóðafulltrúi Landbúnaðarháskóla Íslands vinnur að því efla samstarf við erlenda háskóla og stofnanir og hefur umsjón með nemenda- og kennaraskiptaáætlunum á borð við Nordplus, Erasmus+ og NOVA. Alþjóðafulltrúi stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar.

Alþjóðafulltrúi veitir nemendum og kennurum upplýsingar um erlent samstarf LBHÍ og þau tækifæri sem þar liggja. Má þar m.a. nefna umsóknir um styrki til nemenda- og kennaraskipta.

Meginhlut­verk alþjóðafulltrúa er að að­stoða nemend­ur sem hafa hug á því að taka hluta náms síns við erlenda há­skóla. Mælt er með því að nemendur nýti sér skiptinám ef þeir eru að velta fyrir sér frekara framhaldsnámi erlend­is. Með því gefst kostur á að skoða erlenda há­skóla að eigin raun og kynnast kennurum sem síð­ar geta orðið leið­beinend­ur þeirra í námi. Nemendum stendur einnig til boða starfsnám á vegum Erasmus+ á meðan námi stendur, sem og strax að útskrift lokinni.

Alþjóðafulltrúi aðstoðar einnig starfsmenn LBHÍ vegna kennaraskipta og rannsóknastyrkja.

Mynd sem tengist textanum

UNIgreen

UNIgreen er bandalag átta evrópskra háskólastofnana sem leggja áherslu á sjálfbæran landbúnað, græna líftækni og umhverfisvísindi. Markmið samstarfsins er að skapa sameiginlegan evrópskan vettvang fyrir menntun og rannsóknir sem styðja við innleiðingu hringrásarhagkerfis og loftslagsmarkmið ESB. Bandalagið stuðlar að auknum hreyfanleika nemenda og starfsfólks á milli háskólanna ásamt því að bjóða upp á sameiginlegar námsleiðir á grunni nýsköpunar. Landbúnaðarháskóli Íslands er einn af stofnaðilum þessa samstarfs sem vinnur að því að þróa lausnir fyrir sjálfbæra framtíð.

Kynntu þér málið.

Erasmus+

LbhÍ er með samstarfssamninga við ýmsa skóla í Evrópu í gegnum ERASMUS-áætlunina. ERASMUS+ byggir m.a. upp á einstaklingsstyrkjum til nemendaskipta og geta nemendur sótt um dvöl í 2-12 mánuði án þess að það tefji þá í námi þar sem skilyrði er að námið erlendis verði að fullu metið þegar heim er komið.

NOVA

NOVA er heiti á samstarfsnetverki sjö landbúnaðar-, skógfræði- og dýralæknaháskóla á Norðurlöndunum, NOVA opnar dyrnar að námi á Norðurlöndunum og í baltnesku ríkjunum. Nemendur geta sótt um Nordplus eða Erasmus styrki til skiptináms í gegnum NOVA.

Hvað getur NOVA boðið þér?

Hvert viltu fara í skiptinám- Listi yfir samstarfsskóla LbhÍ

Alþjóðafulltrúi

Alþjóðafulltrúi: Christian Schultze

Deildarfulltrúi: Eva Hlín Alfreðsdóttir

Sérfræðingur: Lukáš Pospíšil

Sérfræðingur: Utra Mankasingh

Kíktu við á skrifstofu alþjóðafulltrúa sem er með opna viðtalstímar:

mánudaga: kl 10:00 - 13:00 á Hvanneyri eða Teams

miðvikudaga: kl 10:00 - 16:30 á Teams

Einnig er hægt að bóka viðtalstíma:

Tímabókun fer fram á bókunarvefnum

Í boði eru viðtöl í persónu á skrifstofu Alþjóðasviðs á Hvanneyri eða fjarfundarviðtal á Teams.