Háskólarektorar og stjórnendur háskólasamtaka á Norðurlöndum og í Eystrasaltsríkjunum komu saman til fundar í Hátíðasal Aðalbyggingar HÍ þriðjudaginn 26. september. Þar voru ræddar þær áskoranir sem blasa við í alþjóðlegu samstarfi. Samstarfsvettvangur norrænna háskóla (NUS – det nordiske universitetssamarbejde) stóð að fundinum.
Öllum rektorum háskóla á Norðurlöndum og í Eystrasaltslöndunum er boðið til ráðstefnunnar og að þessu sinni bar hún yfirskriftina „Challenges of Nordic and Baltic Universities in International Collaboration“.
