Forstöðumaður Landgræðsluskólans

Leitað er að öflugum og jákvæðum stjórnanda í krefjandi starf. Forstöðumaður Landgræðsluskólans ber ábyrgð á stjórnun, stefnumótun og rekstri skólans, sem og gæðum og skipulagningu náms sem skólinn stendur fyrir.

Helstu verkefni og ábyrgð

  • Stjórnun, stefnumótun og rekstur
  • Samstarf við samstarfsaðila, innanlands og utan.
  • Ábyrgð á vali nemenda frá þróunarlöndum til að taka þátt í árlegri 6-mánaða þjálfun eða MS/PhD námi hér á landi og efla samstarf við viðeigandi samstarfsaðila í samstarfslöndum skólans í Afríku og Mið-Asíu.
  • Ábyrgð á gæðum og skipulagningu náms. - Vinna með systurstofnunum á Íslandi (Sjávarútvegsskólanum, Jarðhitaskólanum og Jafnréttisskólanum) og Þekkingarmiðstöð þróunarlanda, sem er sameiginlegur tengiliður skólanna á Íslandi við UNESCO og utanríkisráðuneytið.

Hæfnikröfur

  • Doktors- eða meistaragráða á fagsviðum sem tengjast landgræðslu og sjálfbærri landnýtingu.
  • Stjórnunarreynsla
  • Reynsla af rannsóknum, kennslu eða leiðbeiningarstörfum nemenda á háskólastigi.
  • Gott vald á rituðu og töluðu máli, bæði ensku og íslensku.
  • Reynsla af störfum á alþjóðavettvangi svo sem þróunarsamvinnu æskileg.
  • Mjög góðir samskiptahæfileikar og hæfni til að vinna með fólki frá mismunandi menningarheimum.
  • Frumkvæði og drifkraftur.

Frekari upplýsingar um starfið Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Um er að ræða fullt starf með starfsstöð í Reykjavík.

Æskilegt að viðkomandi geti hafið störf 1. febrúar 2020.

Landgræðsluskólinn er starfræktur í samræmi við stefnu stjórnvalda um alþjóðlega þróunarsamvinnu sem er sett á grundvelli laga nr. 121/2008. Landgræðsluskólinn hefur gengið undir nafninu Landgræðsluskóli Háskóla Sameinuðu þjóðanna og starfar undir því heiti til ársloka 2019. Frá upphafi árs 2020 mun skólinn starfa undir hatti UNESCO. Landgræðsluskólinn er hýstur hjá Landbúnaðarháskóla Íslands og starfar í nánu samstarfi við Landgræðsluna. Hlutverk skólans er að byggja upp mannauð stofnana á sviði landgræðslu og sjálfbærrar landnýtingar í samstarfslöndum skólans í Afríku og Mið-Asíu. Skólinn er hluti af alþjóðlegri þróunarsamvinnu Íslands og er kostaður af opinberum fjármunum utanríkisráðuneytisins til þróunarsamvinnu. Stærsta verkefni skólans ár hvert er 6 mánaða þjálfun á Íslandi fyrir starfandi fagfólk í samstarfslöndunum þar sem mikil áhersla er lögð á hagnýtingu þekkingar.

Óskað er eftir að umsókn fylgi ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og sýn sinni varðandi hlutverk og starfsemi skólans.

Frekari upplýsingar um starfið og Landgræðsluskólann má finna á vef Landbúnaðarháskólans www.lbhi.is og vef Landgræðsluskólans www.unulrt.is

Starfshlutfall er 100% Umsóknarfrestur er til og með 09.12.2019

Nánari upplýsingar veita
Hafdís Hanna Ægisdóttir, forstöðumaður Landgræðsluskólans - hafdishanna@lbhi.is 
Ragnheiður I Þórarinsdóttir, rektor LbhÍ - ragnheidur@lbhi.is. Sími 433 5000
Árni Bragason, formaður stjórnar Landgræðsluskólans, arni.bragason@land.is

Smelltu hér til að sækja um starfið

Þú ert að nota: brimir.rhi.hi.is