Nýmemadagur garðyrkjubrauta

Metaðsókn er í garðyrkjudeildir skólans fyrir komandi skólaár. Mest aðsókn er í lífræna ræktun matjurta og rímar það vel við umræðuna í þjóðfélaginu og virkilega ánægjulegt að finna fyrir áhuganum þar. Garðyrkjudeildir skólans eru staðsettar í hjarta garðyrkjumenntunar á Íslandi, á Reykjum í Ölfusi, rétt fyrir ofan Hveragerði. Garðyrkjudeildirnar skiptast í lífræna ræktun matjurta, ylrækt, garð- og skógarplöntuframleiðslu, blómaskreytingar, skrúðgarðyrkju og skógtækni í skóg og náttúrubraut. Nú standa yfir lagfæringar á garðskála skólabyggingarinnar og verður því gaman að taka á móti þessum stóra nemendahóp í haust. Nemendur fá þó forskot á sæluna og hittast á nýmemadegi á morgun 23. júní.

Guðríður Helgadóttir starfsmenntanámsstjóri tekur á móti nýnemunum í Grasagarðinum í Reykjavík. Dagskráin hefst kl 9 með móttöku og kynningu á skólanum og áfanganum Íslenska flóran, plöntusöfnun, aðferðir og heimildir. Nemendur munu svo vinna verkefni yfir daginn á staðnum. Nánari upplýsingar og dagskrá má finna hér.

 

Þú ert að nota: brimir.rhi.hi.is