Háskóli náttúruvísinda
Landbúnaðarháskóli Íslands er mennta- og rannsóknastofnun sem sérhæfir sig í landbúnaði, landnýtingu, umhverfisvísindum, landslagsarkitektúr og skipulagsfræði.
LbhÍ vinnur að sjálfbærri nýtingu auðlinda, hágæða landbúnaðarframleiðslu og leggur áherslu á umhverfisvernd og sjálfbærni í allri starfsemi sinni.
LbhÍ veitir gráður á BSc, MSc og doktorsstigi ásamt því að bjóða upp á starfsmenntanám í búfræði á framhaldsskólastigi.
Starfsstöðvarnar eru á Hvanneyri í Borgarfirði og á Keldnaholti í Reykjavík.
Spennandi námsleiðir fyrir þig
Fjölbreytt námsframboð í persónulegum skóla
Fagdeildir
RÆKTUN & FÆÐA
NÁTTÚRA & SKÓGUR
SKIPULAG & HÖNNUN
Framtíðarstefna
Starfsemi Landbúnaðarháskóla Íslands snertir öll 17 sjálfbærnimarkmið Sameinuðu Þjóðanna að engu undanskildu. Stefna skólans til framtíðar speglar sig að heimsmarkmiðum Sameinuðu þjóðanna og stefnu ríkisstjórnarinnar um sjálfbæra þróun, loftslagsmarkmið, ósnortin víðerni og verndun náttúru og lífs.
Rannsóknir
Landbúnaðarháskóli Íslands gegnir lykilhlutverki í þeim þáttum samfélagsins sem snúa að þróun landbúnaðar, nýtingu náttúruauðlinda, skipulagsmála, umhverfis- og loftslagsmála sem og samfélagsins og efnahagslífsins í heild. Rannsóknir spila stórt hlutverk í starfsemi okkar sem snýr að lykilsviðum okkar.
