Nýnemar - gagnlegar upplýsingar

Velkomin til náms við Landbúnaðarháskóla Íslands!  

LbhÍ er lítill skóli með mikla sérstöðu. Skólinn býður hvort tveggja upp á nám á framhaldsskólastigi og á háskólastigi. Aðalstarfsstöð LbhÍ er á Hvanneyri en starfsstöðvar eru einnig á Reykjum í Ölfusi og á Keldnaholti í Reykjavík. Nemendur hafa gott aðgengi að kennurum og leitast starfsfólk skólans eftir því að skapa nemendum sínum góða vinnuaðstöðu á starfsstöðum skólans. Hér fyrir neðan er að finna helstu upplýsingar til nýnema. Allar frekari upplýsingar er að fá hjá kennsluskrifstofu LbhÍ í síma 433-5000 eða á netfanginu kennsluskrifstofa@lbhi.is.

Innritunargjöld LbhÍ eru 75.000 kr fyrir grunnnám háskólabrauta og 35.000 kr fyrir nám á framhaldsskólastigi. Innritunargjöld eru óafturkræf. Á hverju hausti eru haldnir nýnemadagar sem allir nýnemar ættu að taka þátt í. Kennsla fer fram á stuttönnum (búfræði & háskóladeild), þ.e. kennt er í sjö vikur og þá hefst prófatíð yfir tveggja vikna tímabil. Einstök námskeið í háskóladeild standa yfir tvær stuttannir.

Aðgangur að kerfum skólans

Þegar greiðsla hefur verið innt af hendi þarftu að sækja um aðgang að nemendaskrárkerfinu UGLA á https://ugla.lbhi.is/umsoknir/upplysingar/notandanafn.php en þar má finna ýmsar hagnýtar upplýsingar, m.a. starfsáætlun skólans ásamt stundaskrá og bókalista sem birtast þegar nær dregur upphafi skólaárs. Athugið að sólarhringur þarf að líða frá greiðslu þar til hægt er að sækja um aðgang. Frekari upplýsingar á kennsluskrifstofu.

Gott að vita – hvert ber að snúa sér

  • Vottorð, hvor tveggja skil á vottorði sem og beiðni um vottorð – kennsluskrifstofa
  • Úrsögn úr áfanga (í síðasta lagi sjö dögum fyrir próf) – kennsluskrifstofa
  • Úrsögn úr skóla – kennsluskrifstofa
  • Vandamál tengd Uglu, notendanafn glatað, leiðrétting á skráning – kennsluskrifstofa
  • Nemendagarðar, útleiga, skil og önnur aðstoð – kennsluskrifstofa (alfheidursverris@lbhi.is)
  • Gisting fyrir fjarnema – móttaka í Ásgarði
  • Staðfesting á skólavist  - móttaka í Ásgarði
  • Námsmat – Kennsluskrifstofa
  • Próftafla, próf og sjúkra- og endurtökupróf – kennsluskrifstofa
  • Spurningar um einstök námskeið, s.s. skyldumæting, námsferðir, verklegir tíma og annað innra starf – kennari í viðkomandi námskeiði
  • Hesthús og/eða hesthúsapláss á Mið Fossum – midfossar@lbhi.is
  • Kvittanir fyrir greiðslu – móttaka í Ásgarði / gjaldkeri
  • Tímapöntun hjá náms- og starfsráðgjafa – námsráðgjafi Ástríður Margrét Eymundsdóttir, nams@lbhi.is
  • Skiptinám og alþjóðamál – alþjóðafulltrúi (christian@lbhi.is)
  • Bókasafn er starfrækt á Hvanneyri, Keldnaholti og á Reykjum, hægt er að fá lánaðar bækur á milli safna – bokasafn@lbhi.is
  • Aðstoð vegna tölvu- og tæknimála – tölvuþjónsta (hjalp@lbhi.is)
  • Prent- og ljósritunarinneign – móttaka í Ásgarði

Ugla

Handbók nemenda er að finna á Uglu. Starfsáætlun skólans er einnig að finna á Uglu.

Líkamsrækt á Hvanneyri

Líkamsræktarstöð er í kjallara Ásgarðs. Kort í líkamsræktina fást hjá gjaldkera Nemendafélagsins: studentarad@lbhi.is. Nánari upplýsingar um líkamsræktina hjá nemendafélaginu.

Mötuneyti

Mötuneyti er í Ásgarði. Þar er hægt að kaupa léttan morgunverð, kaffi og hádegisverð. Matarmiðar eru seldir á staðnum. Hægt er að hafa samband við Óla Pál, matreiðslumann, í síma 865-1262, eða á netfangið olipallkokkur@lbhi.is.
Mötuneyti er á Reykjum. Matarmiðar eru seldir á skrifstofu skólans.

Kennslubækur

Kennslubækur á garðyrkjubrautum eru seldar á Reykjum. Kennslubækur í búfræði eru seldar í bóksölunni í Rannsóknahúsinu á Hvanneyri. Erlendar bækur sem eru kenndar á námskeiðum í háskóladeildum eru seldar í Bóksölu stúdenta í Reykjavík.

Jöfnunarstyrkir

Þeir nemendur á framhaldsskólastigi, sem fá ekki lán hjá LÍN, geta sótt um styrk til jöfnunar námskostnaðar. Umsóknina á að senda til LÍN. Allar upplýsingar er að finna á www.lin.is en sækja skal um fyrir 15. október ár hvert.

Þú ert að nota: brimir.rhi.hi.is