Endurmenntun



Endurmenntun LbhÍ LbhÍ rekur öfluga endurmenntunardeild sem stendur fyrir margskonar námskeiðum um allt land. Endurmenntun LbhÍ býður jafnt stutt og löng námskeið og áhersla er lögð á að þau henti fólki í fullri vinnu. Þá er boðið upp á sérsniðin námskeið fyrir fyrirtæki, stofnanir og hópa eftir nánara samkomulagi.

Endurmenntun LbhÍ auglýsir námskeið sín á vefsíðunni www.lbhi.is/namskeid. Auk þess eru námskeið kynnt í samstarfi við aðrar landbúnaðarstofnanir og ráðunautaþjónustu. Starfsmenntasjóður Bændasamtaka Íslands er opin fyrir umsóknum um stuðning við námskeiðsgjöld. Auk þess er hægt að leita stuðnings frá ýmsum stéttarfélögum og öðrum sjóðum.

Námskeiðsgjöldin eru mynduð af þeim kostnaði sem til fellur vegna námskeiðsins en þátttakendur verða sjálfir að greiða fyrir kvöldverð og gistingu þegar það á við. Haft verður samband við þátttakendur nokkrum dögum áður en námskeið hefst og þeir beðnir um að staðfesta þátttöku. Eftir að námskeið hefst er greiðsluseðill sendur til greiðanda. Vinsamlegast athugið að ef skráður þátttakandi hættir við að sitja námskeið, en hefur ekki tilkynnt forföll með formlegum hætti til endurmenntunardeildar LBHÍ áður en námskeið hefst, eða hættir eftir að námskeið er hafið, þá mun LBHÍ innheimta 50% af námskeiðsgjaldi. Ef biðlisti er á námskeiðinu verður námskeiðsgjaldið innheimt að fullu.

Skráning á námskeið.
Skráning á námskeið og greiðsla námskeiðsgjalds fer fram í gegnum netið (www.lbhi.is/namskeid). Veljið viðkomandi námskeið og smellið á „Skráning“. Einnig er hægt að senda tölvupóst á endurmenntun@lbhi.is eða hringja í síma 433-5000.

Skráning á póstlista
Sendu tölvupóst á netfangið endurmenntun@lbhi.is Í póstinum frá þér þarf að koma fram: Nafn, kennitala, heimili og sími (heimasími og farsími). Þá munum við senda þér reglulega upplýsingar um námskeið á vegum Endurmenntunar LbhÍ.