Búfræði

• Hefur þú áhuga á vinnu með dýrum? 
• Vilt þú geta rekið bú?
• Hefuru gaman af vinnu með vélum og tækjum?
• Hvernig framleiðum við matvæli framtíðarinnnar?
• Vilt þú byggja sterkari grunn fyrir frekara nám í landbúnaðarfræðum  

• Íslenska á öðru hæfniþrepi, alls 10 fein
• Enska á öðru hæfniþrepi, alls 10 fein
• Stærðfræði á öðru hæfniþrepi, alls 5 fein
• Danska 5 fein
• Efnafræði – nemendur þurfa að hafa lokið almennri efnafræði á fyrsta hæfniþrepi (5 fein) og æskilegt að hafa lokið lífrænni efnafræði.
• Almenn líffræði á fyrsta hæfniþrepi 5 fein
• Bókfærsla á fyrsta hæfniþrepi 4 fein
• Gert er ráð fyrir að nemendur séu vel tölvufærir og hafi góð tök á námstækni.

• Fjarnámið er byggt upp á svipaðan hátt og hefðbundið búfræðinám. Nemendur innritast á sama hátt í skólann og stunda námið á hálfum hraða.  
• Flestir áfangar eru kenndir yfir vetrartímann en einhverjir áfangar koma inn á sumarönn (plöntusafn, námsdvöl og valfög).  
• Samskipti nemenda og skóla eru í megindráttum um internetið. Því er mikilvægt að allir séu nettengdir og kunnugir samskiptum á netmiðlum.  
• Verklegir hlutar búfræðinámsins eru kenndir á námskeiðum sem haldin í fjarnemavikum sem fara fram tvisvar fyrir áramót og tvisvar erftir áramót á ári hverju. Reynt er að stytta eins og mögulegt er fjarveru nemenda frá búum sínum en gera má ráð fyrir 3-5 dögum í hverri fjarnemaviku. Nánara skipulag þessa þáttar námsins er kynnt við upphaf hverrar annar.  

• hafi almenna og sértæka þekkingu á sviði raungreina
• sé vel undirbúinn fyrir háskólanám á sviði almennra náttúruvísinda, búvísinda og dýralækninga
• hafi þekkingu og færni til að takast á við búrekstur og alhliða landbúnaðarstörf, ekki síst á sviði rekstrar, bútækni, jarð- og búfjárræktar.
• þekki til og geti beitt vísindalegum vinnubrögðum í raungreinum

Símenntun á Vesturlandi býður upp á raunfærnimat í búfræði í samstarfi við Landbúnaðarháskóla Íslands.

Matið er ætlað þeim sem hafa náð 23 ára aldri og starfað í greininni í a.m.k. þrjú ár. Fræðslusjóður greiðir fyrir þátttakendur sem hafa ekki lokið formlegri menntun á þriðja hæfniþrepi (t.d. stúdentspróf eða sveinspróf).

Raunfærnimat er leið til að meta þá þekkingu og færni sem einstaklingar hafa aflað sér á vinnumarkaði. Matið getur mögulega stytt nám og verið hvatning til að ljúka því.

Hægt er að sækja um raunfærnimat hvenær sem er með því að hafa samand við Símenntun.

Frekari upplýsingar má finna á vef þeirra simenntun.is

Starfsnámsdvalir erlendis á framhaldsskólastigi

Nemendur í búfræðinámi geta tekið þátt í alþjóðlegum verkefnum  í gegnum Erasmus+ áætlunina. Með því að fara utan landsteinanna fá nemar að kynnast starfsháttum í landbúnaði í nágrannalöndum, læra bestu starfshætti og jafnvel kynnast meiri sérhæfingu en þekkist innanlands.

Markmið verkefnisins er að víkka sjóndeildarhring nemenda, efla faglega færni þeirra, styrkja tengsl við evrópska samstafsaðila í landbúnaði og mynda alþjóðlegt tengslanet.

Nemum Búfræðideildar stendur til boða að fara erlendis í starfsnám, skiptinám eða taka þátt í nemakeppnum erlendis og fá til þess Erasmus+ námsstyrk.

Á vorönn 2026 verður farið í bekkjarferð með 1. árs búfræðinema, þar sem stefnt er að því að 30 manna nemendahópur dvelji í viku erlendis.

Annars árs nemar geta sótt um að taka þátt í nemakeppni í kúadómi, Paris International Agricultural Show. Sú keppni er hluti af stórri landbúnaðarsýningu í París og er haldin í lok febrúar árlega. Smelltu hér til að sjá kynningarmyndband keppninnar - á frönsku eins og keppnin sjálf. LBHÍ hefur tryggt pláss fyrir þrjá nema að keppa fyrir hönd skólans. Nemendum fylgja tveir aðilar. Sótt er um í gegnum umsóknargátt í Uglu.

Starfsnámsdvöl erlendis getur verið hluti af verklega hluta námsins er 12 vikna námsdvöl á kennslubúi þar sem nemendur taka þátt í daglegum bústörfum. Hægt að taka hluta eða heild af námsdvalaráfanga fyrsta árs erlendis. Tímabil starfsnámsdvalar erlendis er yfirleitt í viku 13-15, sé valið að fara að hluta. Sótt er um í gegnum umsóknargátt í Uglu.

Hingað til hafa fyrsta árs nemar farið erlendis í hluta námsdvalartímans en nú geta allir nemar sótt um og hægt að dvelja lengur. Til viðbótar geta nemar sótt um að fara á öðru tímabili.

Áfangastaðir / samstarfsskólar

Námsdvalarbýli fundið með aðstoð samstarfsaðila í Danmörku, Hollandi, Noregi, Svíþjóð og Þýskalandi.

Samstarfsaðilar okkar hjá þessum skólum finna námsdvalarbýli, oftast í nágreni skólanna sjálfra eða innan landshlutans.

• Danmörk: Dalum Academy of Agricultural Business Denmark
• Holland: Aeres MBO Dronten
• Noregur: Lena-Valle Vidaregåande skole
• Þýskaland: Deula Nienburg
• Í Svíþjóð erum við í samstarfi við Munkagårdsgymnasiet samvinnuskólann í Region Hällstad/ Tvååker í vestur-Svíþjóð

Þau sem hafa áhuga á að nýta tækifærið til að efla menntun sína og reynslu eru hvött til að koma á kynningar alþjóðafulltrúa. Boðið er upp á víðtækan stuðning, vinnustofur til að aðstoða með umsóknarferlið og fyrsta árs nemar fá fylgd á áfangastaði.

Eva Hlín Alfreðsdóttir er deildarfulltrúi alþjóðamála og hjálpar nemendum og starfsfólki á öllum námstigum að fara út í skiptinám, starfsnám eða í starfsþjálfun.

Hennar aðalstarfsstöð er á Hvanneyri og býður viðtöl á mánudögum milli 10:00 - 13:00 og á miðvikudögum milli 10:00 - 16:30. Þú getur bókað fund á bókunarvefnum annaðhvort í persónu á skrifstofu Alþjóðasviðs á Hvanneyri eða fjarfundarviðtal á Teams, eða kíkt við.

Við skólann starfar öflugt nemendafélag, Nemendafélag LBHÍ og undir því eru virkir klúbbar sem sjá um mismunandi viðburði yfir árið. 

• Kúavinafélagið Baula
• Hestamannafélagið Grani
• Hrútavinafélagið Hreðjar
• Skógræktarfélagið Dafnar
• Genus Loci félag landslagsarkitektanema
• Geitavinafélagið Auður 

Á Hvanneyri hafa nemendur möguleika á að leigja herbergi eða íbúðir. Í boði eru einstaklingsherbergi, einstaklingsíbúðir og tveggja til fjögurra herbergja íbúðir.

Nánar hér

Útskriftarárgangur búfræðiema gefur út tímaritið Búfræðingurinn

• Búfræðingurinn 2024
• Búfræðingurinn 2023
• Búfræðingurinn 2022
• Búfræðingurinn 2021
• Búfræðingurinn 2020