Nemendur í skipulagsfræði bjóða til sýningar á lokaverkefni námskeiðsins, Skipulagsgerð í þéttbýli í Landbúnaðar-háskóla Íslands, Árleyni 22, Keldnaholti, Reykjavík föstudaginn 21.nóv. kl. 16:00 – 18:00.
Nemendur hafa unnið með bæjarstæði Þolákshafnar, séreinkenni þess og samfélag við mótun gefandi umhverfis og skipulags fyrir framtíðaruppbyggingu bæjarfélagsins. Að lokinni yfirgripsmikilli greiningu staðhátta fengu nemendur frelsi til að móta sína skipulagsgerð að þeim áherslum og þörfum bæjarins sem höfðuðu mest til þeirra og að þeirra mati er aðkallandi að vekja athygli á. Afraksturinn eru sex ólík viðfangsefni sem myndgerast hvert í sinni skipulags-gerð. Þau hafa mismunandi snertifleti við skipulagslegar áherslur þéttbýlis Þorlákshafnar sem stendur frammi fyrir miklum þróunarmöguleikum og um leið stórum áskorunum.
Nánari upplýsingar um MS nám í Skipulagsfræði má nálgast á heimasíðu LBHÍ.
