Dagana 29.–30. september sl. komu saman rektorar háskóla á Norðurlöndum og í Eystrasaltsríkjunum til árlegs samstarfsfundar sem að þessu sinni var haldinn í Tallinn, Eistlandi.
Allir sjö rektorar íslensku háskólanna mættu á fundinn þar sem fjallað var um helstu áskoranir í háskólastarfi, tækifæri til aukins samstarfs og hlutverk háskóla í samfélags- og nýsköpunarþróun. Samtalið hefur verið afar mikilvægt og skapað sterk tengsl á milli landanna og góðan grundvöll fyrir áframhaldandi samstarf í kennslu, rannsóknum og stefnumótun.
