Titill tímaritsins Icelandic Agricultural Sciences hefur nú frá og með árgangi 38, 2025 verið breytt í Icelandic Agricultural and Environmenal Sciences.
Tímaritið er á ensku, ókeypis, með opnum aðgangi og er ritrýnt og dreift á alþjóðavettvangi. Það birtir frumsamdar vísindagreinar og yfirlitsgreinar um alla þætti hagnýtra lífvísinda sem skipta máli við aðstæður á norðlægum slóðum.
Stefna ritsins er að fjalla um umhverfisrannsóknir, landbúnað, ræktun og sjúkdóma plantna og dýra, veiðar og þar með taldar fiskveiðar, matvælafræði, skógrækt, jarðvegsvernd, vistfræði og auðlindanýting, jarðvarmavistfræði o.s.frv.
Frá árinu 2009 hefur tímaritið verið skráð sem ISI tímarit í Thomson gagnagrunninum, nú Clarivate. Það þýðir að allar greinar sem birtar eru frá og með árgangi 22, 2009 eru skráðar í ISI Web of Science. Það er einnig skráð í CAB Abstracts, BIOSIS, SCOPUS og CrossRef gagnagrunnana auk Google-Scholar.
Icelandic Agricultural and Environmenal Sciences er gefið út í samstarfi eftirfarandi háskóla og rannsóknastofnana á Íslandi:
Landbúnaðarháskóli Íslands
Hafrannsóknastofnun
Keldur, Tilraunastöð Háskóla Íslands í meinafræði
Land og skógur Ísland
Matis – Íslensk matvæli og líftækni R&D
Ráðgjafarmiðstöð landbúnaðarins
Aðalritstjóri er Björn Þorsteinsson (LbhÍ) og meðritstjórar Bjarni D. Sigurðsson (LbhÍ) og Sigurður Ingvarsson (HÍ)
