Nám í meðferð varnarefna hefst 19. febrúar næstkomandi. Námið er alfarið kennt í fjarkennslu. og lýkur með rafrænu prófi þremur vikum síðar, fimmtudaginn 12. mars.
Um er að ræða réttindanám sem haldið er af Endurmenntun Landbúnaðarháskóla Íslands í samstarfi við Umhverfis- og orkustofnun og Vinnueftirlitið. Að námi loknu er hægt að sækja um notendaleyfi til Umhverfis- og orkustofnunar, sjá nánar hér.
Námið skiptist í þrjá hluta og þurfa öll að taka námshluta 1 sem fjallar um markaðssetningu plöntuverndarvara og útrýmingarefna. Þau sem vilja ná sér í full réttindi og vera í fullu námi taka alla þrjá hluta námskeiðsins. Þau sem vilja mennta sig í meðferð útrýmingarefna vegna notkunar við eyðingu meindýra taka hluta 1 og 2 og þau sem vilja mennta sig í meðferð plöntuverndarvara í landbúnaði og garðyrkju, þar með talið garðaúðun, taka hluta 1 og 3.
Nánari upplýsingar um þetta mikilvæga nám má finna á vef Endurmenntunar LbhÍ.
