VIð bjóðum áhugasömum að koma á opið hús í hádeginu föstudaginn 8. apríl. Hægt verður að kynna sér sérstaklega meistaranámsbrautirnar Umhverfisbreytingar á norðurslóðum sem er alþjóðlegt nám og skipulagsfræði sem er starfsmiðað meistaranám og veitir réttindi til að vera skipulagsfræðingur. Einnig er í boði hjá LBHÍ rannsóknatengt meistaranám á kjörsviðum skólans.
Norðurslóðafræði
12-12.30: Kynning frá brautarstjóra og kennara í Umhverfisbreytingum á norðurslóðum um námsbrautina, uppbyggingu hennar og störf. Þá kemur stutt myndbrot frá nemendum sem eru í námsferð á Ísafirði og á Akureyri. Kynning verður á Keldnaholti og einnig streymt.
12.30 -14: Opið hús á Keldnaholti og áhugasömum velkomið að koma spjalla við brautarstjóra og kennara brautarinnar.
Skipulagsfræði
Brautarstjóri og nemandi í skipulagsfræði verða á Keldnaholti og svara fyrirspurnum milli kl 12 og 13.
