Félag íslenskra landslagsarkitekta, FÍLA, Grænni Byggð og Landbúnaðarháskóli Íslands stóðu fyrir vinnustofu á Hvanneyri 5. september s.l. Yfirskrift vinnustofunnar var hringrásahagkerfi í landslagsarkitektúr. Gestafyrirlesari var Jakob Sandell Sorensen sem leiðir sjálfbærni hjá hinni dönsku landslagsarkitektúrastofu Schonherr.
Sjálfbært háskólasamfélag á Hvanneyri
Jakob fjallaði um þetta mikilvæga málefni og lögmál hringrásarhugsunnar í landslagsarkitektúr. Hann fór einni í það hvernig við getum aðlagað hönnun okkar að ábyrgri notkun efna sem og með endurnýtingu og endurvinnslu að leiðarljósi. Að loknum fyrirlestri og vettvangsferð um Hvanneyrarþorpið var haldin vinnustofa þar sem þáttakendur komu með fjölbreyttar tillögur að umbreytingu Hvanneyrar yfir í sjálfbært landbúnaðarháskólasvæði.
Vinnustofan var vel sótt og unnu nemendur og sérfræðingar saman að skipulagi og hugmyndum um sjálfbært háskólasamfélag á Hvanneyri þar sem hringrásarhugsun er í forgrunni til að takast á við aðkallandi áskoranir vegna loftslagsbreytinga í heiminum.
Nánari upplýsingar um vinnustofuna og upptaka af fyrirlestri
Schønherr teiknistofa
FÍLA Félag Íslenskra landslagsarkitekta
